Lakshmi Nrusimha Karavalamba Stotram in Malayalam

Lakshmi Nrusimha Karavalamba Stotram – Malayalam Lyrics (Text)

Lakshmi Nrusimha Karavalamba Stotram – Malayalam Script

രചന: ആദി ശംകരാചാര്യ

ശ്രീമത്പയോനിധിനികേതന ചക്രപാണേ ഭോഗീംദ്രഭോഗമണിരാജിത പുണ്യമൂര്തേ |
യോഗീശ ശാശ്വത ശരണ്യ ഭവാബ്ധിപോത ലക്ഷ്മീനൃസിംഹ മമ ദേഹി കരാവലംബമ് || 1 ||

ബ്രഹ്മേംദ്രരുദ്രമരുദര്കകിരീടകോടി സംഘട്ടിതാംഘ്രികമലാമലകാംതികാംത |
ലക്ഷ്മീലസത്കുചസരോരുഹരാജഹംസ ലക്ഷ്മീനൃസിംഹ മമ ദേഹി കരാവലംബമ് || 2 ||

സംസാരദാവദഹനാകരഭീകരോരു-ജ്വാലാവളീഭിരതിദഗ്ധതനൂരുഹസ്യ |
ത്വത്പാദപദ്മസരസീരുഹമാഗതസ്യ ലക്ഷ്മീനൃസിംഹ മമ ദേഹി കരാവലംബമ് || 3 ||

സംസാരജാലപതിതതസ്യ ജഗന്നിവാസ സര്വേംദ്രിയാര്ഥ ബഡിശാഗ്ര ഝഷോപമസ്യ |
പ്രോത്കംപിത പ്രചുരതാലുക മസ്തകസ്യ ലക്ഷ്മീനൃസിംഹ മമ ദേഹി കരാവലംബമ് || 4 ||

സംസാരകൂമപതിഘോരമഗാധമൂലം സംപ്രാപ്യ ദുഃഖശതസര്പസമാകുലസ്യ |
ദീനസ്യ ദേവ കൃപയാ പദമാഗതസ്യ ലക്ഷ്മീനൃസിംഹ മമ ദേഹി കരാവലംബമ് || 5 ||

സംസാരഭീകരകരീംദ്രകരാഭിഘാത നിഷ്പീഡ്യമാനവപുഷഃ സകലാര്തിനാശ |
പ്രാണപ്രയാണഭവഭീതിസമാകുലസ്യ ലക്ഷ്മീനൃസിംഹ മമ ദേഹി കരാവലംബമ് || 6 ||

സംസാരസര്പവിഷദിഗ്ധമഹോഗ്രതീവ്ര ദംഷ്ട്രാഗ്രകോടിപരിദഷ്ടവിനഷ്ടമൂര്തേഃ |
നാഗാരിവാഹന സുധാബ്ധിനിവാസ ശൗരേ ലക്ഷ്മീനൃസിംഹ മമ ദേഹി കരാവലംബമ് || 7 ||

സംസാരവൃക്ഷബീജമനംതകര്മ-ശാഖായുതം കരണപത്രമനംഗപുഷ്പമ് |
ആരുഹ്യ ദുഃഖഫലിതഃ ചകിതഃ ദയാളോ ലക്ഷ്മീനൃസിംഹ മമ ദേഹി കരാവലംബമ് || 8 ||

സംസാരസാഗരവിശാലകരാളകാള നക്രഗ്രഹഗ്രസിതനിഗ്രഹവിഗ്രഹസ്യ |
വ്യഗ്രസ്യ രാഗനിചയോര്മിനിപീഡിതസ്യ ലക്ഷ്മീനൃസിംഹ മമ ദേഹി കരാവലംബമ് || 9 ||

സംസാരസാഗരനിമജ്ജനമുഹ്യമാനം ദീനം വിലോകയ വിഭോ കരുണാനിധേ മാമ് |
പ്രഹ്ലാദഖേദപരിഹാരപരാവതാര ലക്ഷ്മീനൃസിംഹ മമ ദേഹി കരാവലംബമ് || 10 ||

സംസാരഘോരഗഹനേ ചരതോ മുരാരേ മാരോഗ്രഭീകരമൃഗപ്രചുരാര്ദിതസ്യ |
ആര്തസ്യ മത്സരനിദാഘസുദുഃഖിതസ്യ ലക്ഷ്മീനൃസിംഹ മമ ദേഹി കരാവലംബമ് || 11 ||

ബദ്ധ്വാ ഗലേ യമഭടാ ബഹു തര്ജയംത കര്ഷംതി യത്ര ഭവപാശശതൈര്യുതം മാമ് |
ഏകാകിനം പരവശം ചകിതം ദയാളോ ലക്ഷ്മീനൃസിംഹ മമ ദേഹി കരാവലംബമ് || 12 ||

ലക്ഷ്മീപതേ കമലനാഭ സുരേശ വിഷ്ണോ യജ്ഞേശ യജ്ഞ മധുസൂദന വിശ്വരൂപ |
ബ്രഹ്മണ്യ കേശവ ജനാര്ദന വാസുദേവ ലക്ഷ്മീനൃസിംഹ മമ ദേഹി കരാവലംബമ് || 13 ||

ഏകേന ചക്രമപരേണ കരേണ ശംഖ-മന്യേന സിംധുതനയാമവലംബ്യ തിഷ്ഠന് |
വാമേതരേണ വരദാഭയപദ്മചിഹ്നം ലക്ഷ്മീനൃസിംഹ മമ ദേഹി കരാവലംബമ് || 14 ||

അംധസ്യ മേ ഹൃതവിവേകമഹാധനസ്യ ചോരൈര്മഹാബലിഭിരിംദ്രിയനാമധേയൈഃ |
മോഹാംധകാരകുഹരേ വിനിപാതിതസ്യ ലക്ഷ്മീനൃസിംഹ മമ ദേഹി കരാവലംബമ് || 15 ||

പ്രഹ്ലാദനാരദപരാശരപുംഡരീക-വ്യാസാദിഭാഗവതപുംഗവഹൃന്നിവാസ |
ഭക്താനുരക്തപരിപാലനപാരിജാത ലക്ഷ്മീനൃസിംഹ മമ ദേഹി കരാവലംബമ് || 16 ||

ലക്ഷ്മീനൃസിംഹചരണാബ്ജമധുവ്രതേന സ്തോത്രം കൃതം ശുഭകരം ഭുവി ശംകരേണ |
യേ തത്പഠംതി മനുജാ ഹരിഭക്തിയുക്താ-സ്തേ യാംതി തത്പദസരോജമഖംഡരൂപമ് || 17 ||